«Манчестер Юнайтед» дарвозабони Давид де Хеа Премьер Лиганинг 36-тури доирасида ўтказилган «Кристал Пэлас»га қарши учрашувда (2:0) ўз дарвозасидан тўп ўтказиб юбормади.
Бу испаниялик посбон учун АПЛдаги («Манчестер Юнайтед» сафида) 112-қуруқ ўйин бўлди. Де Хеа ушбу кўрсаткич бўйича афсонавий Петер Шмейхелга етиб олди. Шмейхель бу кўрсаткичга эришиш учун 252 та ўйин ўтказган бўлса, де Хеага 311 та ўйин керак бўлди.
Кучли учликни Эдвин ван дер Сар (90) якунлаб берган, тўртинчи ва бешинчи ўринлардан эса Фабьен Бартез (30) ва Рой Кэрролл (24) жой олган.
Де Хеа 2011 йилдан бери «қизил иблислар» шарафини ҳимоя қилиб келади. Ушбу мавсумда у Англия чемпионатининг 36 та ўйинида майдонга тушиб, шулардан 10 тасида ўз дарвозаси дахлсизлигини сақлаб қолган.
Мавзуга доир: Давид де Хеа «Манчестер Юнайтед» рекордчисига айланди
Изоҳ (0)