«Барселона» ҳужумчиси Лионель Месси «Реал»нинг Испания чемпионатидаги ғалабаси ҳақида гапирди.
«Мадридликлар ўз ишини бажарди. Мавсум қайта тикланганидан кейин бирорта ҳам ўйинда ютқазмаслик муносиб натижа саналади. Уларнинг чемпион бўлиши учун биз ҳам ёрдам бериб юбордик.
«Барселона» ўзини ўзи таҳлил қилиши керак, бу — биринчи навбатда ўйинчилардан бошланиши лозим. Биз «Барселона»миз ва ҳар бир ўйинда ғалаба қозонишимиз шарт. Ютишимиз керак бўлган ўйинларда очко йўқотдик», — дейди Месси.
«Реал» Испания Ла Лигасининг 37-турида «Вильярреал»ни мағлубиятга учратиб (2:1) чемпионликни қўлга киритди. «Барселона» эса мазкур турда ўз майдонида «Осасуна»га имкониятни бой бериб қўйди (1:2). Лео эса жамоасининг ягона голига жарима зарбасини аниқ амалга оширган ҳолда муаллифлик қилди.
Мавзуга доир:
Изоҳ (0)