Хитойда сўнгги суткада коронавирус билан касалланиш бўйича битта ва касаллик белгисиз ўтаётган иккита ҳолат аниқланди, беморларнинг 26 нафари соғайди, деб хабар бермоқда «РИА Новости» Хитой Соғлиқни сақлаш миллий комиссиясига таяниб.
Қайд этилишича, аниқланган янги касалланиш ҳолати четдан юқтирилган, белгисиз ҳолатларнинг бири четдан, иккинчиси эса мамлакатнинг ўзида юқтирилган.
Мамлакатда умумий ҳисобда 83 612 киши коронавирусга чалинган, уларнинг 78 719 нафари соғайган, 4634 нафар бемор COVID-19 қурбонига айланган. Касалхонада 259 киши даволанишда қолмоқда.
Шунингдек, Хитойда касаллик белгисиз ўтаётган 2 та ҳолат аниқланган. Шундай кишиларнинг яна 104 нафари кузатувда бўлиб турибди.
Жанубий Кореяда эса сутка давомида 61 киши коронавирусга чалингани қайд этилиб, касалланганларнинг умумий сони 13 612 нафарга етди, деб хабар бермоқда «ТАСС».
Мамлакатда касалланиш ҳолатлари яна ошди. 15 июль куни 39 киши, 14 июль куни 33 киши коронавирусга чалингани қайд этилганди.
Аниқланган янги касалланиш ҳолатларининг 47 тасида вирус четдан юқтирилган. Шундан 20 таси аэропортлар ва денгиз станцияларида мамлакатга келганлар орасида аниқланган.
Касалликлар профилактикаси ва назорати маркази (KCDC) маълумотларига кўра, сутка давомида 195 киши соғайиб, тузалганларнинг умумий сони 12 396 нафарга етди. Касаллик қурбонлари сони 289 нафарни ташкил қилмоқда.
Изоҳ (0)