Илҳом Алиев Озарбайжон учун Арманистон билан ҳарбий низога боришдан маъно йўқлигини таъкидлади

Озарбайжон президенти Илҳом Алиев мамлакатининг Арманистон чегарасида ҳарбий ҳаракатларни бошлашга интилмаганлигини маълум қилди. Бу ҳақда «Интерфакс» хабар берган.

Ҳукумат йиғилишида у 12 июлда содир бўлган воқеа туфайли Озарбайжон ҳарбийларига душманга бир умр эсдан чиқмайдиган кучли зарба беришни буюрганини айтиб ўтди.

Мамлакат президентининг сўзларига кўра, Арманистон 13 ва 14 июль кунларида ҳам провакация қилишда давом этган. Оқибатда Бокуда яна йўқотишлар кузатилган ва «Қасос» операциясининг иккинчи қисмига ўтилган.

Аввал Арманистон президенти Армен Саркисян вазиятга баҳо берганди. У мамлакатининг ўзини ва ҳудудини ҳимоя қилишга қодирлиги, душманга муносиб қарши тура олишини таъкидлаган.

Арманистон давлат раҳбари Озарбайжоннинг ҳаракатларини очиқчасига қилинган ва якунда муваффақиятсиз ниҳоя топган зўравонлик деб атаган.

Саркисяннинг сўзларига кўра чегарадаги вазият Арманистон қуролли кучларининг назоратига олинган.

Эски можаронинг яна қайтадан бошланиши12 июлда чегарада бошланган Арманистон ва Озарабайжон тўқнашуви Товуз вилоятида (Озарбайжон) ва Тавушск (Арманистонда), шунингдек, Тоғли Қорабоғдан бир неча юз километр узоқликда Грузия билан чегара ҳудудларда ҳам кузатилган.

Озарбайжон томони берган маълумотларга асосан 11 нафар ҳарбий, хусусан, бир нафар генерал ҳалок бўлган. Арманистон ҳарбийлари эса тўрт киши вафот этгани ва ўн нафар аскар яраланганини билдирган.

15 июнь чоршанба куни ҳолатига кўра чегарадаги вазият сокинлашган.