Қирғизистонда ўтган бир сутка ичида 7 киши коронавирусдан, яна 41 киши — пневмониядан вафот этди, дея маълум қилди ССВ жамоат саломатлиги бошқармаси бошлиғи Айнур Акматова.
Соғлиқни сақлаш вазирлиги маълумотларига кўра, ўтган суткада коронавирусдан вафот этган беморлар 42—79 ёш оралиғида. Ҳозирда бутун мамлакат бўйлаб коронавирус қурбонлари сони 167 кишига етган.
Шунингдек, ўтган бир сутканинг ўзида Қирғизистонда 74 киши пневмониядан вафот этган. Қурбонларнинг 21 нафари Бишкек шаҳри ҳисобига тўғри келмоқда, яна 20 киши эса — республиканинг бошқа ҳудудларидан. Мамлакатда 2020 йилнинг мартидан буён пневмониядан вафот этганлар сони 612 кишига етди.
16 июль ҳолатига кўра, Қирғизистонда яна 521 кишида коронавирус аниқланган. Коронавирусга чалинган янги касалларнинг 273 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:
- Чуй вилояти — 74;
- Ўш шаҳри — 38;
- Ўш вилояти — 16;
- Иссиқкўл вилояти — 30;
- Жалолобод вилояти — 43;
- Боткен вилояти — 39;
- Талас вилояти — 8.
Аввалроқ Бишкекдаги тез ёрдам ходимларининг чорак қисми COVID-19 ва пневмония билан касаллангани тўғрисида хабар берилганди.
Изоҳ (0)