Xitoyda so‘nggi sutkada koronavirus bilan kasallanish bo‘yicha bitta va kasallik belgisiz o‘tayotgan ikkita holat aniqlandi, bemorlarning 26 nafari sog‘aydi, deb xabar bermoqda “RIA Novosti” Xitoy Sog‘liqni saqlash milliy komissiyasiga tayanib.
Qayd etilishicha, aniqlangan yangi kasallanish holati chetdan yuqtirilgan, belgisiz holatlarning biri chetdan, ikkinchisi esa mamlakatning o‘zida yuqtirilgan.
Mamlakatda umumiy hisobda 83 612 kishi koronavirusga chalingan, ularning 78 719 nafari sog‘aygan, 4634 nafar bemor COVID-19 qurboniga aylangan. Kasalxonada 259 kishi davolanishda qolmoqda.
Shuningdek, Xitoyda kasallik belgisiz o‘tayotgan 2 ta holat aniqlangan. Shunday kishilarning yana 104 nafari kuzatuvda bo‘lib turibdi.
Janubiy Koreyada esa sutka davomida 61 kishi koronavirusga chalingani qayd etilib, kasallanganlarning umumiy soni 13 612 nafarga yetdi, deb xabar bermoqda “TASS”.
Mamlakatda kasallanish holatlari yana oshdi. 15-iyul kuni 39 kishi, 14-iyul kuni 33 kishi koronavirusga chalingani qayd etilgandi.
Aniqlangan yangi kasallanish holatlarining 47 tasida virus chetdan yuqtirilgan. Shundan 20 tasi aeroportlar va dengiz stansiyalarida mamlakatga kelganlar orasida aniqlangan.
Kasalliklar profilaktikasi va nazorati markazi (KCDC) ma’lumotlariga ko‘ra, sutka davomida 195 kishi sog‘ayib, tuzalganlarning umumiy soni 12 396 nafarga yetdi. Kasallik qurbonlari soni 289 nafarni tashkil qilmoqda.
Izoh (0)