Футбол бўйича Про-Лига 3-туридан ўрин олган «Хоразм» — «Динамо» учрашуви номаълум муддатга қолдирилди.
Профессионал футбол Лигаси (ПФЛ) матбуот хизматининг маълум қилишича, 15 июль куни «Динамо»нинг уч нафар футболчиси коронавирус юқтириб олганликда гумон қилинган. 16 июль куни «Хоразм»нинг бир неча нафар футболчиси ҳам ўзини яхши ҳис қилмаётгани аниқланган. Шундан келиб чиқиб ПФЛ ўйинни Про-Лига учун белгилаб қўйилган захира кунларига кўчиришга қарор қилди.
Ўйин 15 июль куни Хоразмда бўлиб ўтиши режалаштирилган эди.
«Динамо» ва «Хоразм» Про-Лига 2-туридан сўнг бирорта ҳам очко тўплай олмай, сўнгги ўринларда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)