Икки вазн тоифасида UFC собиқ чемпиони Генри Сеҳудо учинчи вазн тоифасида ҳам чемпионлик камарига эга чиқиб, MMA тарихига кирмоқчи.
«Менимча, UFC’да учинчи камарга эга чиқсам, аралаш жанглар тарихидаги энг буюк жангчига айланаман. Бу натижани ҳеч ким қайтара олмайди, фақат ‘Трипл Си’», — дейди Сеҳудо.
Маълумот учун, Сеҳудо мутлақ енгил ва ўта енгил вазн тоифалари собиқ чемпиони ҳисобланади. Америкалик яккакурашчи май ойидаги жангидан сўнг фаолиятини якунлашини маълум қилган ва ундан чемпионлик камарлари олиб қўйилганди.
Энди у ярим енгил вазн чемпиони Александр Волкановкини жангга чорламоқда. Бу борада спортчи UFC президенти Дэйна Уайтга ҳам мурожаат қилди.
«Дэйна Уайт, илтимос, ортиқча баҳо бериб юборилган Александр Волкановскини менга бер. Уни тиз чўкишга мажбур қиламан», — дея ёзади Генри.
UFC 251 мусобақасида Сеҳудо кетганидан кейин эгасиз қолган ўта енгил вазн чемпионлик камари учун Петр Ян ва Жозе Алдо кураш олиб борди. Унда россиялик яккакурашчи ғолиб чиқиб, дивизион чемпионига айланди.
16 июль кунги UFC Fight Night 177 мусобақаси қандай ўтди? (видео)
Изоҳ (0)