Москва аҳолиси коронавирусга қарши тестни 16 июлдан бошлаб бепул топшириши мумкин, дея хабар берди «РИА Новости».
Тестдан ўтиш учун шаҳардаги 207 та поликлиникада махсус пунктлар очилади. Шаҳар мэрининг ўринбосари Анастасия Ракованинг сўзларига кўра, ҳар куни 50 мингтагача тест олиш имконияти мавжуд.
27 майдан бошлаб ҳар бир фуқаро Москвада коронавирусга антитаналар мавжудлигини текшириши мумкин бўлган. Синовлар натижасига кўра, москваликларнинг 22 фоизида антитаналар бўлган.
Аввалроқ 15 июлдан бошлаб Россияга келган одамлар учун 14 кунлик мажбурий изоляция режими бекор қилиниши ҳақида хабар берилган эди.
Жонс Ҳопкинс университетининг 15 июль соат 16:50 даги маълумотига кўра, Россияда коронавирус билан боғлиқ 738 787 ҳолат аниқланган. Беморларнинг 511 958 нафари соғайган, 11 597 нафари эса вафот этган.
Изоҳ (0)