Қозоғистонда 13 июль – Миллий мотам кунида бутун мамлакат бўйлаб бир дақиқалик сукут эълон қилинади, деб хабар беради Tengrinews.
Фото: Reddit
«13 июль — Миллий мотам куни, коронавирус пандемияси қурбонига айланган фуқаролар хотирасига бутун мамлакат бўйлаб Нур-Султон вақти билан соат 12:00 да бир дақиқалик сукут эълон қилинади», – деб ёзди президент маслаҳатчиси Эрлан Карин Telegram каналида.
Эслатиб ўтамиз, Қозоғистонда 13 июль — коронавирус инфекциясидан вафот этган фуқаролар хотираси учун мотам куни деб эълон қилди.
Мавзуга доир: Хитой Қозоғистонда пневмониянинг коронавирусдан ҳам хавфлироқ янги тури пайдо бўлганидан огоҳлантирди
«Мен, 13 июлни пандемия қурбони бўлган қозоғистонликлар учун мотам куни деб эълон қилишга қарор қилдим. Ишонаманки, ҳар биримиз қаерда бўлмайлик, бу касалликдан вафот этганларни хотирлаймиз», – деди Тўқаев.
Аввалроқ Қозоғистон президенти мамлакатда коронавируснинг иккинчи тўлқини бошланишида Соғлиқни сақлаш вазирлигини айблаган эди.
Сўнгги маълумотларга кўра, мамлакатда коронавирусга чалинганлар сони 58 253 кишига етган. Ҳозирга қадар 33 814 киши соғайган, 280 киши вирус қурбонига айланган.
