Қашқадарё вилояти Китоб туманида пул эвазига диплом ёзиб беришни таклиф қилган директор ўринбосари қўлга олинди. Бу ҳақда «Дарё»га Бош прокуратура хабар қилди.
Қайд этилишича, Бош прокуратура ҳузуридаги департаментининг Китоб туман бўлими томонидан тезкор тадбир ўтказилган. Натижада тумандаги касб-ҳунар коллежи директори ўринбосари О.Э. фуқаро Д.нинг фарзанди С.нинг дипломини қайта ёзиб бериш ҳамда иккинчи фарзанди Н.га ушбу коллежни тугатганлиги ҳақида диплом ёзиб бериш эвазига фирибгарлик йўли билан 650 минг сўм талаб қилган.
Шундан 300 минг сўмни қўлга киритиб, қолган 350 минг сўмни олган вақтида ашёвий далил билан ушланган.
Мазкур ҳолатлар юзасидан О.Э.га нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Бухоро давлат университети ўқитувчиси ўқишга киритиб қўйиш эвазига 4 минг доллар пора олаётганида ушланди
- Наманганда СЕОМ ходими 40 миллион сўм пора билан қўлга тушди
- Наманганда 250 млн сўм маблағни талон-торож қилган шифокорларга жиноят иши қўзғатилди
- Тошкентда муҳтож оилалар учун йиғилган маблағларнинг 95 млн сўмдан ортиғи мансабдорлар томонидан талон-торож қилингани аниқланди
Изоҳ (0)