Bugun,

  • USD 10920.28
  • RUB 177.49
  • EUR 11052.42

Namanganda viloyat sanitariya-epidemiologik osoyishtalik markazi iqtisodchisi 40 million so‘m pora bilan qo‘lga tushdi. Bu haqda “Daryo”ga Bosh prokuratura huzuridagi Iqtisodiy jinoyatlarga qarshi kurashish departamentining viloyat boshqarmasi ma’lum qildi.

Foto: “Daryo”

Chortoq tumanida joylashgan MChJlardan birining rahbari 2020-yil 18-iyun kuni ariza bilan murojaat qilib, viloyat SEOM xodimi Yu.Sh. ismli shaxs 7000 dona himoya kiyimini sotib olish uchun tuzilgan shartnoma bo‘yicha 6100 dona kiyimni qabul qilib olib, 175 million so‘mni MChJ hisob-raqamiga o‘tkazib berish evaziga 15 million so‘m, shartnoma bo‘yicha kam topshirilgan, omborga kirim qilinmagan 900 dona himoya kiyimi o‘rniga esa 25 million so‘m, jami 40 million so‘m pora talab qilayotganligini bildirgan.

MChJ rahbari arizasida keltirib o‘tilgan vajlarni tekshirish maqsadida DXX viloyat boshqarmasi xodimlari departament vakillari bilan hamkorlikda tezkor tadbir o‘tkazdi. Tadbir davomida Chortoq tumani markazida joylashgan dorixona oldida shu tumanda yashovchi Yo.A. kimyoviy ishlov berilgan 40 million so‘mni olgan vaqtida ushlandi.

U o‘z ko‘rsatmasida qo‘shnisi ushbu pullarni olib qo‘yishni, keyinchalik o‘ziga berishini tayinlaganligini bildirdi. Shundan so‘ng tezkor tadbir davom ettirilib, Namangan shahridagi Respublika shoshilinch tibbiy yordam ilmiy markazi viloyat filiali darvozasi oldida viloyat SEOM iqtisodchisi bo‘lib ishlovchi Yu.Sh. qo‘shnisi Yo.A.dan 40 million so‘mni olayotgan vaqtida ushlanib, ushbu pullar ashyoviy dalil tariqasida rasmiylashtirildi.

Hozirda ushbu holat yuzasidan jinoyat ishi qo‘zg‘atilib, tergov harakatlari olib borilmoqda.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi