Соғлиқни сақлаш вазирлиги COVID-19’нинг аломатсиз шакли билан касалланганларни уй шароитида даволаш ва эпидемиологик суриштирув ўтказиш тартиби белгилангани тўғрисида хабар берди.
«Коронавирус инфекцияси билан касалланган беморларни даволаш ва касаллик тарқалишининг олдини олиш борасида ўтказилаётган эпидемияга қарши курашиш тадбирларини такомиллаштириш тўғрисида» соғлиқни сақлаш вазирининг буйруғи қабул қилинган.
Буйруққа кўра, қуйидагилар тасдиқланган:
- COVID-19 касаллигининг аломатсиз шакли билан касалланган фуқароларни уй шароитида даволаш ва эпидемиологик суриштирув ўтказиш тартиби;
- COVID-19 касаллигининг аломатсиз шакли билан касалланган беморларни уй шароитида даволашга амалий-услубий ёрдам кўрсатиш бўйича ҳудудларга бириктирилган ходимлар рўйхати;
- Маъмурий ҳудудлардан COVID-19’нинг аломатсиз шакли билан касалланганларнинг 10 кунлик тиббий кузатуви мониторинги ҳисобот шакли;
- Коронавирус аниқланган беморлар тўғрисидаги маълумот шакли.
COVID-19’нинг аломатсиз шакли билан касалланган фуқаролар ўз хоҳишига кўра стационар шароитда даволанади.
Қорақалпоғистон Республикаси соғлиқни сақлаш вазири, Тошкент шаҳар ССББ ва вилоятлар ССБ бошлиқлари ҳамда ҳудудий СЭОМ раҳбарларига қуйидаги вазифалар юклатилган:
- 2020 йил 5 июль кунидан бошлаб COVID-19’нинг аломатсиз шакли билан касалланган беморларни белгилаб берилган схема асосида туман/шаҳарларда ташкил этилган мобил гуруҳ (СЭОМ вакили, инфекционист, УАШ) томонидан саралаш ва уйда даволаш учун етарли шароит бор деб ҳисобланган фуқароларни белгиланган тартиб асосида бирламчи тиббий-санитария тизими муассасалари назоратида 10 кун давомида уй шароитида тиббий кузатуви ва даволанишини йўлга қўйиш;
- яшаш шароити санитария-эпедимологик талабларга жавоб бермаган ҳолатларда, яккалаш имконияти бўлмаганида, беморларни COVID-19 инфекциясини даволашга мослаштирилган муассасаларга жойлаштириш;
- ҳудудий маҳалла фуқаролари йиғинлари билан ҳамкорликда уй шароитида тиббий кузатувга олинган беморларни карантин қоидаларига риоя этилиши юзасидан тегишли ишларни олиб бориш ва қатъий назорат ўрнатиш;
- 2 кун муддатда COVID-19’нинг аломатсиз шакли билан касалланган беморларни уйда даволаш ва эпидемиологик суриштирув ўтказиш тартибини ҳар бир бирламчи тиббий санитария бўғини муассасалари (ҚВП, ҚОП, ОП, КТМП), тез тиббий ёрдам хизмати ҳамда СЭОМ ходимларига етказиб, моҳиятини ҳар томонлама тушунтириш мақсадида онлайн ўқув семинарлари ташкил этиш;
- COVID-19’нинг аломатсиз шакли билан касалланганларнинг кунлик ҳисоботларини алоҳида олиб бориш ва тақдим этиш.
- ТТБ томонидан тақдим этилган ПЗР натижалари асосида шахсий ҳимоя воситалари билан таъминланган, санитария-эпдемиология қоидаларига риоя қилинган ҳолда беморни тиббий кўрикдан ўтказиб, COVID-19’нинг аломатсиз шаклини аниқлайди;
- COVID-19’нинг аломатсиз тури билан касалланиб, уйда кузатувга қолдирилган беморлар рўйхатини туман/шаҳар, вилоят ССБ раҳбарларига тиббий кузатув ва даволаш учун, Ички ишлар, Миллий гвардиянинг ҳудудий бўлимларига карантинни ташкил этиш учун тақдим этади;
- Касаллик белгилари аниқланганида белгиланган тартибда БТСЁМ билан биргаликда зудлик билан шифохонага ётқизиш чораларини кўради;
- Тиббий кўрик хулосаларини беморнинг амбулатор картасида расмийлаштирилади.
Мавзуга доир: Ўзбекистонда коронавируснинг аломатсиз шаклини уйда даволаш бўйича саволларга жавоб берадиган Call-марказ ишга тушди
Изоҳ (0)