Вазирлар Маҳкамаси ҳузуридаги Дин ишлари бўйича қўмита «Саудия Арабистони Ҳажга рўйхатдан ўтказишни бошлади» сарлавҳаси остида тарқалган хабарга муносабат билдирди.
«Саудия Арабистони ҳукумати қарори билан бу йилги Ҳаж мавсуми фақат мамлакат фуқаролари ва Саудияда яшаётган чет эл фуқаролари учун чекланган миқдорда ташкил этилмоқда. Хорижий мамлакатлардан зиёратчилар бу йил қабул қилинмайди. Саудия Арабистонига халқаро авиарейслар тўхтатилган», — дейилади хабарда.
Таъкидланишича, «Ҳаж—2020» мавсумига онлайн рўйхатдан ўтиш фақат мамлакат аҳолиси ва Саудияда бўлиб турган чет эл фуқаролари учун ташкил этилмоқда.
«Турли фирибгарлик ҳолатларидан огоҳ бўлинг. Ҳаж ва умра масаласи бўйича текширилган ва ишончли хабарларни Дин ишлари бўйича қўмита ва Ўзбекистон мусулмонлари идорасининг расмий веб-сайтларидан олишингиз мумкин», — дея қайд этади қўмита.
Эслатиб ўтамиз, Саудия Арабистони коронавирус пандемияси сабаб хорижлик зиёратчилар учун 2020 йилги Ҳаж зиёратини бекор қилгани тўғрисида июнь охирларида хабар берилганди.
Мавзуга доир: Коронавирус сабабли Малайзия ва Индонезия ўз фуқароларига 2020 йилда Ҳаж зиёратини бекор қилди
Изоҳ (0)