«Реал» бош мураббийи Зинедин Зидан Испания Ла Лигасининг 35-туридан ўрин олган «Алавес»га қарши баҳсдан (2:0) сўнг ўз фикрлари билан ўртоқлашди.
«Умуман гол ўтказиб юбормасликнинг иложи йўқ, аммо ҳозир биз ҳақиқатан ҳам кам ўтказяпмиз. Шу тарзда давом этишимиз керак. Куртуа спорт формасини тиклаб олди.
Жамоа яхши ўйин кўрсатди. Ҳужумда ҳам яхши ҳаракат қилдик. Биринчи бўлим охирида Бензема зарба қабул қилиб олди, боши бироз айланди, бироқ унинг аҳволи яхши.
3 ўйинда 3 та пенальтига келсак, агар ҳакам пенальти белгиласа, демак бу — пенальти. Бу Менди томонидан бажарилган моҳирона ҳаракати эди. Энг муҳими — гол уриш, уни қандай уриш эса катта аҳамият касб этмайди.
Биз Ла Лигада ғалаба учун курашмоқдамиз, мавсум охирига қадар 3 та ўйин қолди ва биз якунда нима бўлишини билмаймиз. Энди бироз дам олишимиз керак, гарчи ғалабанинг ўзи энг яхши дам олиш бўлса ҳам», — дейди Зидан.
Мадридликлар 35-турдан кейин 80 очко билан турнир жадвалини бошқариб турибди. «Барселона» эса 76 очкоси билан 2-поғонада жойлашган.
Изоҳ (0)