Мадриднинг «Реал» клуби ҳужумчиси Карим Бензема Испания чемпионатининг 35-тури доирасида ўтказилган «Алавес»га қарши учрашувда (2:0) битта гол уриб, яна битта голга ассистентлик қилди.
Шу тариқа Бензема 12 ойнинг барчасида гол ва голли узатмага муаллифлик қилган Ла Лига тарихидаги биринчи ўйинчига айланди.
«Барселона» ҳужумчиси Лионель Месси 12 ойнинг 11 тасида гол урган, аргентиналик футболчи ҳали июль ойида гол уришга улгурмади.
Қайд этиш жоиз, Ла Лига учрашувлари коронавирус пандемияси туфайли узоқ вақтдан кейин илк маротаба ёз ойларида ўтказилмоқда.
Карим Бензема ушбу мавсумда Испания чемпионатида 34 та ўйин ўтказиб, 18 та гол ва 8 та голли узатмага муаллифлик қилди.
Изоҳ (0)