Ижтимоий тармоқларда Тошкент вилоятининг Юқори Чирчиқ туманида жойлашган «Ўртасарой» карантин мажмуасида сақланаётган шахсларнинг норозилиги акс этган видео тарқалди. Видео муаллифи «Ўртасарой» карантин мажмуасида сақланаётган одамлар 17 кундан бери ушлаб турилганини, белгиланган муддат якунига етган бўлса-да, рухсат берилмаганини айтади. Соғлиқни сақлаш вазирининг ўринбосари Улуғбек Собиров мазкур ҳолат юзасидан изоҳ берди, деб хабар қилади «Kun.uz».
Видео муаллифи карантинда сақланаётган фуқароларнинг саволларига ҳеч ким жавоб бермаётганини таъкидлайди.
«Йигирманчи (июнь) куни келдик. Бугун 18 кун бўлди. Кеча тушликдан бери ҳеч ким бизга овқат бергани йўқ. Болаларимиз билан оч ётибмиз. Қачон бу ердан кетамиз? Кимга учрашсак бўлади?», — дейди видеода карантин дарвозасини тепаётгани кўринган аёллардан бири.
Айни пайтда ‘Ўртасарой’ карантин мажмуасидаман. Ушбу мажмуа эпидемиологик нохуш ҳудудлардан олиб келинган шахслар сақланаётган Ўзбекистондаги энг яхши карантин ҳудудларидан бири. Бу ердагиларга берилаётган овқатлар яхши, сифатли. Ҳаммаси вақтида бериляпти.Аввалроқ Ўзбекистонда коронавирусдан уй шароитида даволанаётганларга тиббий ёрдам бериш учун мобил гуруҳлар ташкил этилиши, талабалар турар жойлари карантинда сақлаш жойларига айлантирилиши тўғрисида хабар берилган эди.Эслатиб ўтамиз, март ойида Тошкент вилоятининг Юқори Чирчиқ тумани Ўртасарой ҳудудидаги 16 гектар майдонда карантин зонаси барпо этилган эди. 10 700 кишини қабул қилишга мўлжалланган карантин маркази апрель ойида фойдаланишга топширилган эди. Бу ерга хориждан Ўзбекистонга кириб келган фуқаролар 14 кунлик карантинга жойлаштирилади.Пандемия шароитида яшаяпмиз, эпедимия бутун республикага тарқалиб кетмаслиги учун хориждан келганлар ёки коронавирус инфекциясини юқтирганликда гумонланганларни шу ерда сақлаб турибмиз. Уларни вақтида бошқалардан ажратиб, диагностика қилиб, соғломлаштириб чиқаряпмиз.
Касаллик тарқаб кетмаслиги учун эпидемиологик нуқтаи назардан нима керак бўлса, ҳаммасини қиляпмиз. Битта хонада тўрттадан одам сақланаётган бўлса, уларнинг орасидан кимдадир касаллик чиққан тақдирда у зудлик билан бошқа жойга ўтказилмоқда. Табиийки, шу хонада яшаган қолган уч кишининг карантин муддати сал чўзилади. Уларгаям касаллик юққан-юқмаганига ишонч ҳосил қилиш учун шунга мажбур бўляпмиз.
Аммо фуқароларимиз шунга чидай олмаяпти. Уларга карантин муддати чўзилаётгани ёқмаяпти. Айримлар нега бизни бошқалардан кўпроқ ушлаб турибсизлар, деб тўполон қилишяпти. Ижтимоий тармоқларда тарқалган видеога мана шу нарса сабаб бўлган. Бироқ видеода айтилганидек, икки кундан бери оч қолишгани, овқат берилмаётгани ёлғон. Бу ерда шароитлар яхши, ҳар битта хонада кондиционер, телевизор, ювиниш хоналари, яъни уйдаги ҳамма шароит бор.
Ҳозиргача карантин муддати 14 кун эди, махсус комиссиянинг қарори билан буёғига 10 кунга туширилди. Худо хоҳласа, жараён секин-секин тезлашади. Тўғри, бу ерда сақланаётганларга ҳам осон тутмайман. Бир-икки кун телевизор кўришар, кейин зерикишаётгани рост. Эпедимия шароитида бундан ортиқ нимаям қила олардик. Энг муҳими, қоринлари тўқ, саломатликлари ишончли қўлларда. Давлат ҳаммасини етказиб бермоқда.
Улуғбек Собиров, соғлиқни сақлаш вазири ўринбосари
Изоҳ (0)