Никоҳни бекор қилиш масаласини ҳал қилиб бериш эвазига фуқаронинг 1 300 АҚШ долларини қўлга киритган фирибгар қўлга олинди. Бу ҳақда Бош прокуратура «Дарё»га маълум қилди.
Бош прокуратура ҳузуридаги департаментнинг Самарқанд туман бўлими томонидан ўтказилган терговга қадар текширувда А.С. исмли шахс фуқаро Н.нинг турмуш ўртоғи билан никоҳини бекор қилиш ва вояга етмаган ўғли билан учрашиб туриш масаласини ҳал этиб беришни ваъда қилган. У ўзининг фуқаролик ишлари бўйича судлардаги танишлари орқали масалани ижобий ҳал қилиб бериш эвазига 1300 АҚШ долларини қўлга киритганлиги аниқланган.
Мазкур ҳолат юзасидан А.С.га нисбатан Жиноят кодексининг 168-моддаси (Фирибгарлик) 1-қисми ва 28, 211-моддаси (Жиноят иштирокчиларининг турлари пора бериш) билан жиноят иши қўзғатилиб, тергов ҳаракатлари ўтказилмоқда.
Эслатиб ўтамиз, Ўзбекистон Президентининг «Ўзбекистон Республикасида коррупцияга қарши курашиш тизимини такомиллаштириш бўйича қўшимча чора-тадбирлар тўғрисида»ги фармонига мувофиқ, Коррупцияга қарши курашиш агентлиги ташкил этилган.
Мавзуга доир:
- Наманганда СЕОМ ходими 40 миллион сўм пора билан қўлга тушди
- Асакада сохта диплом ваъда қилган коллеж ҳисобчиси 1100 доллар пора билан қўлга тушди
- Янгийўл туманида фуқарони нефть базага раҳбар этиб тайинлаш учун 50 минг доллар сўраган ИИБ майори ушланди
- Тошкентда «Чорсу»даги савдо жойи учун 500 доллар пора сўраган бозор ходими қўлга тушди
Изоҳ (0)