«Манчестер Юнайтед» ярим ҳимоячиси Бруну Фернандеш Англия Премьер Лигасининг июнь ойидаги энг яхши ўйинчиси деб топилди.
Португалиялик футболчи «Манчестер Юнайтед»нинг июнь ойидаги учта ўйинида 3 та гол ва битта голли узатмага муаллифлик қилди.
25 ёшли футболчи кетма-кет икки бор ойнинг энг яхшиси номига лойиқ кўрилди. Ундан аввал мазкур кўрсаткични фақат олти нафар футболчи қайд этган: Муҳаммад Салоҳ, Жейми Варди, Ҳарри Кейн, Криштиану Роналду, Деннис Бергкамп ва Робби Фаулер.
Шунингдек, ушбу совринга қуйидаги футболчилар даъвогарлик қилганди:
Антони Марсьяль («Манчестер Юнайтед») — 3 ўйинда 3 гол ва 1 голли узатма;
Конор Коуди («Вулверҳэмптон») — 3 та қуруқ ўйин;
Рауль Хименес («Вулверҳэмптон») — 3 ўйинда 2 та гол;
Аллан Сен-Максимен («Ньюкасл») — 2 ўйинда 1 гол;
Дэнни Ингз («Саутҳэмптон») — 3 ўйинда 3 та гол ва 1 голли узатма.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!