АҚШда сўнгги 24 соат ичида 63 247 та касалланиш ҳолати аниқланди. Бу ҳақда «РИА Новости» хабар қилди.
Юқоридаги кўрсаткич эпидемия давридаги суткалик антирекорд ҳисобланади. Сўнгги вақтда АҚШда ушбу антирекорд кўп бора янгиланган. Июнь ойнинг охирига келиб мамлакатда касаллик тарқалиши сезиларли равишда тезлашган.
Шунингдек, мамлакатда охирги суткада 990 нафар коронавирусга чалинган бемор вафот этган.
Бир кун аввал, 9 июль куни 58 601 нафар одамда коронавирус аниқланган. 820 нафар бемор ҳаётдан кўз юмган.Жонс Ҳопкинс университетининг маълумотига кўра, АҚШда шу вақтгача (10 июль) 3 118 168 та коронавирус билан касалланиш ҳолати аниқланган. 133 мингдан ортиқ одам вафот этган. 969 мингдан ортиқ одам бу касалликдан тузалган.
Аввалги кунлик антирекорд 4 июль куни қайд этилган эди. Ўша кунда мамлакатда 57,5 минг кишида коронавирус аниқланган.
Ҳозирда бутун дунё бўйлаб 12,2 миллиондан ортиқ одам коронавирус билан касалланган, 555 мингдан ортиқ ўлим ҳолати қайд этилган.
Изоҳ (0)