Футбол бўйича Coca-Cola Суперлига 8-туридан ўрин олган «Пахтакор» — «Машъал» учрашувидан (3:0) сўнг меҳмонлар катта мураббийи Дилявер Ваниев ўйин ҳақидаги фикрлари билан ўртоқлашди.
«Рақиб ҳар жабҳада биздан устун келиб, ғалабага эришди. Ҳақли ғалаба билан табриклайман. Бунчалик йирик ҳисобда ютқазишимизни кутмагандим. Ҳимояда яхшироқ ва дадилроқ ўйнаймиз деб ўйлагандим. Демак, қандайдир камчиликларга йўл қўйганмиз. Йигитларга чизиқлар ўртасидаги боғлиқликларни сақлаш ва тезкорроқ ўйнаш кераклигини тушунтиргандик.
Ҳужум чизиғи кучайтириладими? Ҳа, ҳужумдаги муаммоларимиздан хавотирдаман, буни тўлиқ кўриб, таҳлил қилиб чиқамиз. Кучайтириш нафақат ҳужумда, балки барча позицияларда бўлиши лозим. Август бошида очиладиган трансфер ойнасида бу бўйича, албатта, иш олиб борамиз», — дея Ваниевдан иқтибос келтиради «Championat.asia».
«Машъал» 8-турдан сўнг бир ғалаба ва уч дуранг қайд этган ҳолда, 6 очко билан 10-ўринда бормоқда. Жамоа кейинги турда «Локомотив» билан ўйнайди.
Мавзуга доир: Шота Арвеладзе: Дердийок ҳам, Сергеев ҳам юқори савиядаги ҳужумчи, аммо уларни бирга ўйнатиш осон иш эмас
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)