Futbol bo‘yicha Coca-Cola Superliga 8-turidan o‘rin olgan “Paxtakor” — “Mash’al” uchrashuvidan (3:0) so‘ng mehmonlar katta murabbiyi Dilyaver Vaniyev o‘yin haqidagi fikrlari bilan o‘rtoqlashdi.
“Raqib har jabhada bizdan ustun kelib, g‘alabaga erishdi. Haqli g‘alaba bilan tabriklayman. Bunchalik yirik hisobda yutqazishimizni kutmagandim. Himoyada yaxshiroq va dadilroq o‘ynaymiz deb o‘ylagandim. Demak, qandaydir kamchiliklarga yo‘l qo‘yganmiz. Yigitlarga chiziqlar o‘rtasidagi bog‘liqliklarni saqlash va tezkorroq o‘ynash kerakligini tushuntirgandik.
Hujum chizig‘i kuchaytiriladimi? Ha, hujumdagi muammolarimizdan xavotirdaman, buni to‘liq ko‘rib, tahlil qilib chiqamiz. Kuchaytirish nafaqat hujumda, balki barcha pozitsiyalarda bo‘lishi lozim. Avgust boshida ochiladigan transfer oynasida bu bo‘yicha, albatta, ish olib boramiz”, — deya Vaniyevdan iqtibos keltiradi “Championat.asia”.
“Mash’al” 8-turdan so‘ng bir g‘alaba va uch durang qayd etgan holda, 6 ochko bilan 10-o‘rinda bormoqda. Jamoa keyingi turda “Lokomotiv” bilan o‘ynaydi.
Mavzuga doir: Shota Arveladze: Derdiyok ham, Sergeyev ham yuqori saviyadagi hujumchi, ammo ularni birga o‘ynatish oson ish emas
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)