Америкалик эркак синган қармоқда 90 килоли балиқ тутди

Америкалик балиқчи синган қармоқ ёрдамида 90 килограммли чўртанбалиқни ушлашга муваффақ бўлди, деб ёзади Lared Morning Times нашри.

Американинг Техас штатида истиқомат қилувчи Жесси Гонсалес отаси билан Рио-Гранде дарёсига балиқ овлашга борган. Эркак улкан балиқни тутишга муваффақ бўлган, бироқ балиқ билан «кураш» вақтида қармоқ синиб кетган.

Балиқчининг таъкидлашича, чўртанбалиқ жон жаҳди билан курашган, бироқ у балиқни енгишга муваффақ бўлган. Ўлжа қирғоққа олиб чиқилганида унинг узунлиги 2 метр, оғирлиги эса 90 килограммдан ортиқроқ эканлиги маълум бўлган.

Гонсалеснинг тан олишича, у тутган ўлжаси билан фахрланади ва унга балиқ тутишни отаси ўргатганини қайд этиб ўтган.

Аввалроқ япониялик балиқчи ноодатий балиқ тутгани, интернет фойдаланувчилари бундай балиқ борлигига ишонмаётгани тўғрисида хабар берилганди.