Ўзбекистон инвестициялар ва ташқи савдо вазирининг Япония билан ҳамкорлик қилиш бўйича маслаҳатчиси Мирсобит Очилов вафот этди. Бу ҳақда вазирлик матбуот хизмати хабар берди.
«Илгари Ўзбекистоннинг Япониядаги элчихонасининг раҳбари, ‘Чиқаётган Қуёш, Олтин ва Кумуш Юлдуз’ император ордени соҳиби Мирсобит Фозилович 2 июлда вафот этдилар», — дейилади хабарда.
Мирсобит Очилов 1999 йилда парламент сайловларида танланган, II чақириқ Олий Мажлисининг депутати, профессор, иқтисод фанлари доктори, Банк-молия академиясининг биринчи ректори, 1-даражали фавқулодда ва мухтор элчиси, 2001—2009 йилларда Ўзбекистоннинг Япониядаги элчиси каби лавозимларда фаолият юритган.
«Улар иқтидорли раҳбар, юқори даражадаги дипломат, иқтисодиёт соҳасининг етук олими, ишончли, меҳрибон ва доим ёрдам беришга тайёр бўлган инсон эдилар. Мирсобит Фозиловичнинг худди шундай ёрқин хотираси қариндошлари, ҳамкасблари ва шогирдларининг қалбларида абадий сақланиб қолади», — дея ҳамдардлигини билдиради вазирлик.
Изоҳ (0)