Наманган вилоятида фуқаро ишончига кириб, унга 2 гектар ер ажратиб беришни ваъда қилган шахс ушланди, дея «Дарё»га хабар берди Бош прокуратура.
Қайд этилишича, Бош прокуратура ҳузуридаги Департаментнинг Наманган вилоят бошқармаси томонидан ДХХ ходимлари билан ҳамкорликда ўтказилган тезкор тадбирда фуқаро М.Б. фирибгарлик йўли билан даромад орттириш мақсадида фуқаро А.нинг ишончига кириб олган.
М.Б. А.га тумандаги «Б.» фермер хўжалигидан тадбиркорлик фаолияти билан шуғулланиш учун 2 гектар ер майдони ажратишни танишлари орқали ҳал қилиб бериш эвазига 8000 АҚШ доллари ва 20,4 миллион сўмни олган вақтида ашёвий далил билан ушланган.
Мазкур ҳолат юзасидан фуқаро М.Б.га нисбатан Жиноят кодексининг 168-моддаси 3-қисми (Фирибгарлик) ва 28,211-моддаси (Пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)