Тошкент шаҳар ҳокимининг 609-сонли қарори билан пойтахт ҳокимининг ахборот технологияларини жорий этиш бўйича ўринбосари – департамент раҳбари тайинланди. Бу ҳақда пойтахт ҳокимлиги матбуот хизмати хабар қилган.
Ушбу лавозимда бугунга қадар Вазирлар Маҳкамасининг Телекомуникациялар, IT-технологиялар ва инновацион фаолиятни ривожлантириш, ахборот хавфсизлигини таъминлаш масалалари котибиятининг мудири вазифасида ишлаб келган Абдуллаев Сардор Маҳмуджонович фаолият юритади.
Маълумот учун, Сардор Абдуллаев 1983 йил 27 декабрда Тошкент вилоятида туғилган. 2001—2007 йилларда Тошкент давлат иқтисодиёт университетининг бакалавриат ва магистратура босқичларини тамомлаган.
Аввал Президент Шавкат Мирзиёев 2018 йилдан пойтахт ҳокими ўринбосари — Тошкент шаҳар каналлардан фойдаланиш ва уларга туташ ҳудудларни ободонлаштириш бошқармаси бошлиғи лавозимида ишлаб келаётган Ҳаёт Иноғомовни Сергели ҳудудида ташкил қилинадиган Янги ҳаёт кичик тумани ҳокимлигига номзод сифатида таклиф этгани хабар қилинганди.
Эслатиб ўтамиз, 2020 йилнинг 21 февралида Дада-Али Зуфаров Тошкент шаҳар ҳокими ўринбосари — Маҳалла ва оилани қўллаб-қувватлаш бошқармаси бошлиғи этиб, Фурқат Маҳмудхўжаев эса 28 февралда Тошкент ҳокимлиги матбуот хизмати раҳбари — ҳокимнинг ахборот сиёсати бўйича маслаҳатчиси лавозимига тайинланган.
Изоҳ (0)