Дунёда коронавирусга қарши жами 141 хил вакцина ишлаб чиқилмоқда. The Washington Post’нинг ёзишича, бу ҳақда Жаҳон соғлиқни сақлаш ташкилоти (ЖССТ) раҳбари Тедрос Гебрейесус маълум қилган.
«Албатта, бутунлай ҳимоя кафолати йўқ, бироқ биз бунга умид қиламиз», — деган у.
Аввалроқ бутун дунёда коронавирус инфекциясига қарши 300 га яқин вакцина клиник синовлардан ўтказилаётгани, ЖССТ учта вакцинанинг якуний босқич синовларида қатнашишига рухсат беришни режалаштираётгани хабар берилган эди.
Шунингдек, ЖССТ раҳбари Тедрос Гебрейесус коронавирус инфекцияси пандемияси тугалланиш арафасида эмаслиги, аксинча касаллик тезлашаётганини маълум қилганди. Шунингдек, COVID-19’нинг келиб чиқишини тергов қилиш мақсадида Хитойга ўз гуруҳини юборишини билдирган. «Биз вирус ҳақида барча маълумотдан, хусусан, пандемия қандай бошлангани тўғрисида бохабар бўлсак, унга қарши яхшироқ кураша оламиз», — деганди Гебрейесус.
Жонс Ҳопкинс маълумотларига кўра, дунёда коронавирус қайд этилганлар сони 10 миллион 700 минг кишидан ошиб кетди. Вирус оқибатида 516 мингдан ортиқ киши ҳалок бўлган.
Изоҳ (0)