Беларусь президенти Александр Лукашенко мамлакатда коронавирус устидан ғалаба қозонилганини маълум қилди. Бу ҳақда «Tengrinews» хабар берди.
Маълум қилинишича, Александр Лукашенко мазкур баёнотни 2 июль куни давлат мукофотларини топшириш чоғида қилган. У шифокорларнинг меҳнатини таъкидлаб ўтган.
«Коронавирус инфекцияси сабабли биринчи қаторда шифокорлар турди. Бизнинг соғлиқни сақлаш тизимимиз чидади. Бироқ биз кураш даражасини пасайтирмаймиз, шундай бўлса ҳам бугун айтиш мумкинки, биз ғалаба қозондик. COVID-19 устидан қозонилган ҳал қилувчи ғалабадан кейин бугун ўз иш ўрнида турган шифокорларимиз билан, албатта, алоҳида учрашамиз», — деган Беларусь президенти.
Беларусда 1 июль ҳолатига кўра, коронавирусга чалиниш бўйича 62 424 та ҳолат қайд этилган.
Изоҳ (0)