Самарқанд шаҳрида 1 июль куни Malibu ва MAN автомашиналари ўртасида мудҳиш ЙТҲ содир бўлди. Бу ҳақда Тергов департаменти хабар беради.
Қайд этилишича, 2020 йилнинг 1 июль куни соат 12:00 да Самарқанд тумани «Андижон» маҳалласи ҳудудидан ўтувчи М-39 автомобиль йўлининг 1095 километрида 51 ёшли Т.Т. бошқарувида бўлган MAN русумли юк автомашинаси ва 49 ёшли З.Ж. (аёл) бошқарувида бўлган Malibu русумли автомашиналари тўқнашган. Оқибатда Malibu автомашинасининг йўловчилари 50 ёшли М.К. (аёл), 51 ёшли Ж.С. (аёл) ва 48 ёшли А.А. олган тан жароҳатлари билан ҳодиса жойда вафот этган.
Мазкур ҳолат юзасидан Самарқанд вилояти ИИБ ҳузуридаги Тергов бошқармаси томонидан Ўзбекистон Республикаси Жиноят кодексининг 266-моддаси 3-қисми «а» банди (Одамлар ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Аввалроқ Бухорода Damas эшак аравани уриб юбориши оқибатида 25 ёшли аёл вафот этгани, Cobalt’нинг юк машинасига урилиши оқибатида 3 киши вафот этгани, Фарғонада эса Damas’лар иштирокидаги ЙТҲда ҳайдовчилардан бири вафот этгани, Сурхондарёда эса «ВАЗ-2101» Malibu билан тўқнашиб ёниб кетиб, «Жигули» ҳайдовчиси ва йўловчи ҳам вафот этгани ҳақида хабарлар берилган эди.
Изоҳ (0)