Самарқанд шаҳрида 28 июнь куни профилактика инспектори Зарафшон дарёсида оқиб кетаётган жиззахлик фуқарони қутқариб қолди. Бу ҳақда Самарқанд вилояти ИИБ ахборот хизмати хабар берди.
Маълум қилинишича, 2020 йил 28 июнь куни соат тахминан 13:30 да Самарқанд шаҳар Ўзбектракт кўчаси ва Ойдин йўли кўчаси кесишмаси яқинида Зарафшон дарёсида оқиб келаётган, Жиззах вилояти Зомин туманида яшовчи 1988 йилда туғилган фуқаро профилактика инспектори катта лейтенант Зоҳид Бекназаров томонидан қутқариб қолинган.
Аниқланишича, фуқаро эҳтиётсизлиги оқибатида сувга тушиб кетиб, Зарафшон дарёсида оқиб кетган. Шу ҳудудда профилактик тадбирларни амалга ошираётган профилактика инспектори катта лейтенант Зоҳид Бекназаров оқиб келаётган фуқарони кўриб, зудлик билан воқеа жойига етиб келган ва оқар сувдан фуқарони чиқариб олиб, унинг ҳаётини сақлаб қолган. Фуқарога тезкорлик билан биринчи тиббий ёрдам кўрсатилган.
Изоҳ (0)