Тайванлик Чен Сан-Юань исмли эркак покемонларни тутишга мўлжалланган ўйинни шу қадар яхши кўриб қолганидан 64 та смартфонни бирлаштириб, ноодатий конструкция яратди. Шу орқали у виртуал махлуқларнинг тўлиқ коллекциясини йиғишга уринган, деб хабар беради Hi-Tech.Mail.ru.
Қарияни 2018 йилдан бери — Pokemon Go машҳурликка эришган вақтидан буён кўпчилик яхши танийди. Ўша вақтда Чен Сан-Юань велосипедига 6 та смартфонни ўрнатиб олганди, икки йил ичида у конструкцияни такомиллаштириб, қурилмалар сонини 9 баробарга оширган.
Нафақахўр биринчи бор Pokemon Go ўйинини кўрганидан буён унинг мухлисига айланган. У ҳафтасига 5-6 кун, кунига эса 20 соатлаб вақтини ўйинга сарфлайди. Бунча вақтда ўйнаш учун у бир неча смартфондан ўзига хос конструкция яратиш йўлини ўйлаб топган — смартфонларнинг барчаси ташқи аккумуляторга уланган ва улар бир вақтнинг ўзида қувватланади. Агарда бирорта смартфоннинг қуввати тугаса, ўйинни бошқа қурилма орқали давом эттириш мумкин.
Изоҳ (0)