Давлат статистика қўмитаси 2020 йилнинг январь—май ойларида Ўзбекистонга импорт қилинган машиналар ва транспорт асбоб-ускуналари тўғрисида маълумот берди.
Маълумотларга кўра, аниқ соҳалар учун махсус мўлжалланган машиналарга 755,4 миллион доллар сарфланган. Автомобильларнинг эҳтиёт қисмлари учун 411,4 доллар тўланган.
Шунингдек, автомобиллар, асосан, йўловчиларни ташиш учун мўлжалланган автоуловлар (10 ва ундан ортиқ кишини ташишга мўлжалланган транспорт воситаларидан ташқари) 205,9 миллион долларга тушган. Саноат учун махсус бўлмаган машиналар ва уларнинг деталларига 578,8 миллион доллар сарфланган.
Электр алоқаси, овоз ёзиш ва эшиттириш ускуналарига 253,3 миллион доллар кетган бўлса, электр машиналари, аппаратлар, асбоблар ва уларнинг эҳтиёт қисмлари 249,5 миллион долларга тушган.
Аввалроқ Ўзбекистонда январь—май ойларида автомобиль ишлаб чиқариш ҳажми ошгани тўғрисида хабар берилганди.
Изоҳ (0)