Молия вазирлиги ҳузуридаги бюджетдан ташқари пенсия жамғармаси Самарқанд шаҳар бўлими инспектори Ж.Ж. 15 та ҳолатда 30 миллион 358 минг сўм жамғарма маблағларини растрата йўли билан талон-торож қилган. Бу ҳақда Самарқанд вилоят прокуратурасига таяниб, «Дарё» мухбири Фарҳод Норбўтаев хабар берди.
Ж.Ж. ушбу жиноий ҳаракатини бошқарманинг маблағларни бошқариш, пенсия ва нафақалар тўлов мониторинг бўлими бошлиғи А.Раҳимовнинг «Пенсия» дастуридан фойдаланадиган логин ҳамда паролларини қўлга киритиш орқали амалга оширган.
Мазкур ҳолат юзасидан Ж.Ж.га шаҳар прокуратураси томонидан Жиноят кодексининг 167-моддаси (Ўзлаштириш ёки растрата йўли билан талон-торож қилиш) 2-қисми «г» банди билан жиноят иши қўзғатилган.
Мазкур жиноят билан боғлиқ иш карантин сабабли Жиноят процессуал кодекснинг 364-моддаси (Дастлабки терговни тўхтатиш асослари ва тартиби) 1-қисми 1-бандига (Айбланувчи ишни юритишда унинг иштирок этишини истисно этадиган оғир ва давомли, лекин даволаб бўладиган касалликка чалинган ҳолларда тўхтатилади) асосан тўхтатилган.
Изоҳ (0)