2020 йил январь—май ойларида Ўзбекистон 1,64 миллиард долларлик олтин экспорт қилди. Бу ҳақда Давлат статистика қўмитаси маълумотларида келтирилган.
Маълумотларга кўра, 2019 йил январь—май ойларига нисбатан ўсиш 33,3 фоизни ташкил этган. 2020 йил январь—май ойларида Ўзбекистоннинг экспорт таркибида олтиннинг улуши 31,9 фоизга тенг бўлган.
Сўнгги йилларда Ўзбекистон олтин экспортини оширди. Олтин экспорти 2015 йилда 823,9 миллион доллар, 2016 йилда 738,2 миллион доллар, 2017 йилда 1,6 миллиард доллар, 2018 йилда 2,91 миллиард доллар ва 2019 йилда 4,4 миллиард доллардан ортиқроқни ташкил этди.
Аввалроқ 2020 йил январь—февраль ойларида Ўзбекистон 1,005 миллиард долларлик олтин экспорт қилгани, олтин мамлакатнинг бош экспорт маҳсулоти бўлишда давом этаётгани ҳақида хабар берилганди.
Изоҳ (0)