Футбол бўйича Ўзбекистон Суперлигаси 5-туридан ўрин олган сўнгги икки баҳс 21 июнь, якшанба куни ўтказилди.
Қашқадарё дербисида «Машъал» ўз уйида «Насаф»ни қабул қилди. Иккинчи ўйинда эса Бекободнинг «Металлург» клуби «Андижон» майдонига сафар қилди.
Муборакда кечган баҳсда жамоалар дастлабки бўлимдан бошлаб эҳтиёткорликка эътибор қаратди ва кураш асосан майдон марказида кечди. Учрашувнинг иккинчи ярмида ҳам жамоаларнинг ўйинида ўзгариш кўзга ташланмади ва дарвозаларга тўп киритилмади. Шу тариқа «Насаф» мусобақа пешқадамига айланиб олиш имкониятни қўлдан чиқарди.
Ушбу натижадан сўнг «Насаф» очколари сонини 11 тага етказиб, 2-ўринга кўтарилган бўлса, «Машъал» 6 очкоси билан 9-ўриндаги «Локомотив»га етиб олди.
Андижондаги учрашувда эса иккала жамоа ҳам нисбатан очиқ футбол намойиш этди. 36-дақиқага келиб бекободликлар Станислав Андреевнинг ажойиб зарбасидан кейин ҳисобни очди – 0:1. Биринчи бўлимга қўшиб берилган дақиқаларда эса «Андижон» футболчилари Шаҳзод Убайдуллаевга нисбатан қўполлик ишлатгани учрашув ҳаками 11 метрлик нуқтани кўрсатди. Пенальтини Андреев аниқ амалга оширди – 0:2. Иккинчи 45 дақиқаликда дарвозаларга бошқа тўп киритилмади.
Мазкур ғалабадан кейин «Металлург» очколарини 10 тага етказиб, 4-ўринга чиқиб олган бўлса, «Андижон» 2 очко билан 12-ўринда бормоқда.
5-турдан кейин мусобақа жадвали қуйидагича:
Суперлига
5-тур баҳслари21 июнь, якшанба
«Машъал» – «Насаф» 0:0
«Машъал»: Раҳимжон Давронов, Нажмиддин Нормуродов, Сирожиддин Раҳматуллаев, Никита Павленко (Жаҳонгир Абдусаломов, 90), Шерзод Темиров, Мўминжон Мелиев (Иброҳим Нўмонов, 78), Жамолиддин Убайдуллаев, Аббос Шодмонов, Сирожиддин Қўзиев (Ифеанйи Ифеанйи, 85) Самандар Шукуриллаев, Денис Василев.«Насаф»:Машхуржон Муҳаммаджонов, Ҳусниддин Алиқулов, Ғолиб Ғайбуллаев (Жўрабек Маннонов, 77), Дилшод Раҳматуллаев (Акмал Мазговой, 68), Бобир Абдихолиқов, Шароф Муҳитдинов, Ислом Кенжабоев (Ҳарис Дилявер, 65), Шерзод Насруллаев, Ойбек Бозоров (Шоҳмалик Камолов, 77), Марко Станоевич, Умарбек Эшмуродов.
«Андижон» — «Металлург» 2:0
Голлар: 0:1 – 36 Андреев 36, 0:2 – 45+2, пенальти Андреев,«Андижон»: Аслонбек Аҳроров, Азамат Исроилов (Эммануэль Аривчукву, 46), Фарҳод Мираҳматов, Хушнудбек Авилов (Жаҳонгир Абдумуминов, 73), Жамшид Ҳасанов, Фарҳодбек Бекмуродов, Сирож Мелиев (Мишел Ибе, 46), Абдулло Олимов (Нодир Мавлонов, 69), Усмонали Исмоналиев, Тимур Усмонов (Артём Литвяков, 46), Дмитро Зозуля.
«Металлург»: Александр Лобанов, Аббос Отахонов, Дониёр Нарзуллаев (Муродбек Бобожонов, 90), Саламат Қутибоев (Худойшуур Саттаров, 64), Шаҳзод Убайдуллаев (Зоҳид Абдуллаев, 64), Камолиддин Тожиев, Абдураҳмон Абдулҳақов (Аброр Тошқўзиев, 64), Ихтиёр Тошпўлатов,Станислав Андреев, Акбар Исматуллаев, Евгений Чумак (Муҳаммад Исаев, 84).
Огоҳлантиришлар: Мелиев (29), Мираҳматов (72), Исмоналиев (75), Саттаров (90+4).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)