Футбол бўйича Англия Премьер Лигасининг 30-турида «Челси» 21 июнь, якшанба куни «Астон Вилла» меҳмони бўлди.
Учрашув лондонликларнинг устунлигада бошланган бўлсада, биринчи бўлиб майдон эгалари ҳисобда олдинга ўтиб олди. 43-дақиқада Кортни Ҳаус ҳисобни очди. Бунга «кўклар» иккинчи бўлимда иккита тўп билан жавоб қайтарди.
Захирадан майдонга тушганига кўп бўлмаган Кристиан Пулишич 60-дақиқада мувозанатни тиклаган бўлса, орадан икки дақиқа ўтиб, Оливье Жиру «Челси»нинг иккинчи голини урди. Қолган вақтда ҳисоб ўзгармади.
Мазкур ғалабадан сўнг Фрэнк Лэмпард шогирдларининг очкоси 51 тага етди. «Челси» иккинчи ўриндаги «Лестер» билан орадаги фарқни уч очкогача қисқартирган бўлса, 5-поғонадаги «Манчестер Юнайтед»дан беш очко олдинда бормоқда.
АПЛ
30-тур баҳслари
«Астон Вилла» — «Челси» 1:2
Голлар: 1:0 – 43 Ҳаус, 1:1 – 60 Пулишич, 1:2 – 62 Жиру.«Астон Вилла»: Нюланд, Конса, Мингз, Таргетт, Ҳаус, Ҳуриҳейн (Накамба, 70), Дуглас Луис, Грилиш, Макгинн (Ҳота, 87), ал-Ғози (Трезеге, 70), Дэвис (Саматта, 57).
«Челси»: Аррисабалага, Аспиликуэта, Рюдигер, Кристенсен, Алонсо, Канте, Ковачич (Баркли, 55), Маунт, Лофтус-Чик (Пулишич, 55), Виллиан, Жиру (Абраҳам, 80).
Огоҳлантириш: Конса (45).
«Ньюкасл» — «Шеффилд Юнайтед» 3:0
Голлар: 1:0 – 55 Сен-Максимен, 2:0 – 69 Ритчи, 3:0 – 78 Жоэлинтон.
Четлатиш: Иган (50) — «Шеффилд Юнайтед»
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)