Хитойнинг коронавирус туфайли машҳур бўлган Хубэй провинциясида яшовчи аёл эгизак фарзандларни дунёга келтирди. Агар бу ҳолат 10 йиллик фарқ билан юз бермаганида унинг янгилиги қолмасди, деб ёзади Esquire.
Ван исмли хитойлик аёл беш йил давомида ҳомиладор бўла олмади. Шундан сўнг аёл сунъий уруғлантиришга мурожаат қилишга мажбур бўлди.
У биринчи марта ушбу муолажани 2009 йилда қилдирди. Ҳомиладорлик даврини аёл шифокорлар назоратида ўтказди. 2009 йилнинг июнь ойида у соғлом ўғил фарзандни дунёга келтирди. Болага Лу Лу деб исм қўйишди.
Бироқ орадан бир неча йил ўтиб Лу Лу ота-онасидан ука ёки сингил олиб келиб беришни сўради. Шунда эр-хотин уларга фарзандли бўлишга ёрдам берган клиникага яна бир бор мурожаат қилди. Бу пайтда Ван 41 га кириб қўйган эди.
Клиникада аввалги муолажадан эмбрионлар қолган эди. Улардан энг муваффақиятлиси Лу Лунинг дунёга келишига сабаб бўлган эмбрион эди. Бу эса жуфтликнинг иккинчи фарзанди Лу Лунинг эгизаги бўлишини англатарди.
Ван иккинчи ўғлини 16 июнь куни дунёга келтирди. Бу ойда Лу Лу 10 ёшга тўлади. Янги туғилган чақалоқнинг вазни худди унинг акасиники сингари 3,5 килограмм эди.
Хитойлик эр-хотин иккинчи ўғилларига Тонг Тонг деб исм қўйди. Бу хитой тилидан таржима қилинганида «худди ўша» деган маънони англатади.
Мавзуга доир: Францияда 30 йил ичида илк бора олти эгизак дунёга келди
Изоҳ (0)