Тюмендаги General Motors дилерлик маркази ходимлари карантиндан сўнг автотураргоҳда қолиб кетган машиналарнинг бирида пайдо бўлган ноодатий «совға»га дуч келди. Машина ўзининг таъмирланишини кутиб ётган бир вақтда унинг мотор бўлмасида қораялоқ ини пайдо бўлди, деб хабар қилади Motor.
Автомобиль двигателидаги носозлик сабаб дилерлик марказига ташлаб кетилган. Бироқ коронавирус пандемияси натижасида жорий этилган чекловлар сабаб сервис ходимлари изоляцияга кетган ва моторни алмаштиришга улгурмаган.
Изоляция вақтида автомобиль дилерлик маркази ҳудудида ҳаракатсиз қолиб кетган. Чекловлар олиб ташлангач, ходимлар машина двигателини алмаштиришга киришган ва мотор бўлмасига ин қуриб, полапон очган қораялоққа дуч келган.
General Motors ходимлари эҳтиёткорлик билан қушларнинг инини бошқа жойга кўчириб, уларни орнитологларга топширган.
Изоҳ (0)