Қозоғистоннинг Туркистон вилоятида йирик қурилиш объектида ишлаш учун 970 дан ортиқ бўш иш ўринларига фуқаролар таклиф этилади. Бу ҳақда Ташқи меҳнат миграцияси агентлиги хабар қилган.
Хабарда қўшни мамлакатдаги қурилиш ишларига, жумладан, бўёқчи, бетон қуйиш устаси, кафель терувчи, дурадгор, электр монтажчи, гипсокартон устаси, монолит устаси, ғишт терувчи, сувоқчи, тунукачи, қишлоқ хўжалиги ишларига масъул каби қурилиш ишларида ишлаган тажрибали қурувчилар жалб қилиниши маълум қилинган.
Қозоғистонда ишлаш истагидаги фуқаролардан Ташқи меҳнат миграцияси агентлигининг мазкур телефон рақамига мурожаат қилиши мумкин: (71) 202-33-55. Хабарда агентликнинг минтақавий филиаллари телефон рақамлари ҳам санаб ўтилган.
Изоҳ (0)