20 июнь, шанба куни футбол бўйича Ўзбекистон Суперлигаси 5-туридан ўрин олган учрашувлар бўлиб ўтди. Соат 19:00 да бошланган дастлабки ўйинда Тошкентнинг «Локомотив» клуби Жиззахнинг «Сўғдиёна»сини қабул қилди.
Учрашувнинг биринчи бўлими хавфли вазиятларга бой бўлмади ва ҳар иккала жамоа вакиллари эҳтиёткорлик билан ҳаракат қилди. Фақатгина танаффусга икки дақиқа қолганида жиззахликлар Жасур Ҳасановнинг заргарона голидан сўнг ҳисобда олдинга чиқиб олди.
Иккинчи бўлимда «Сўғдиёна» яна бир бор Ҳасановнинг ҳаракатларига эвазига ҳисобни оширди. Жасурнинг бурчакдан оширган тўпини «Локомотив» ҳимоячиси Шаҳзод Шаймонов ўз дарвозасига жойлаб қўйди. 58-дақиқага келиб эса захирадан ўйинга қўшилган Диёр Туроповнинг бурчакдан ошириб берган тўпини Кирил Погребняк дарвозага бошиб билан дарвозага йўналтирди – 1:2. Шундан сўнг «Сўғдиёна» ҳимояда ишончли ўйин кўрсатиб, ўйин охирига қадар ҳисобни ушлаб қола олди.
Ушбу ғалабадан кейин «Сўғдиёна» очколари 7 тага етган бўлса, «Локомотив» очколари (6) ўзгаришсиз қолди.
Бугундан ўрин олган яна баҳсда эса «Навбаҳор» ўз майдонида мусобақа аутсайдери «Бухоро»ни қабул қилди.
Учрашув тезкор гол билан бошланди. 6-дақиқага келиб, Иван Соловёв ажойиб зарбаси билан ҳисобни очди. Шундан сўнг иккала томон ҳам ташаббусни ўз томонига оғдиришга ва тўп назоратини қўлга олишга уринди. Бироқ биринчи бўлимда дарвозаларга бошқа тўп киритилмади.
Танаффусда Андрей Канчельскисдан керакли кўрсатмаларни олган «Навбаҳор» футболчилари иккинчи 45 дақиқаликда бироз устунликни ўз томонига оғдириб олди 88-дақиқага келиб Азизбек Турғунбоевнинг голи эвазига яна ҳисобда олдинга чиқиб олди.
Мазкур ғалабадан кейин «Навбаҳор» очколари сонини 8 тага етказиб олган бўлса, «Бухоро» мавсумдаги 4-мағлубиятини қабул қилиб олди ва 1 очко билан ҳамон мусобақанинг сўнгги поғонасида бормоқда.
Суперлига
5-тур баҳслари
20 июнь, якшанба
«Локомотив» – «Сўғдиёна» 1:2
Голлар: 0:1 – 43 Ҳасанов, 0:2 – 52 Шайманов (автогол), 1:2 – 58 Погребняк«Локомотив»: Жавоҳир Илёсов, Шаҳзод Шайманов, Славко Дамянович, Кахи Maxarадзе,Вадим Афонин, Кирилл Погребняк (Авазбек Ўлмасалиев, 66), Темурхўжа Абдухолиқов, Иброҳим Ғанихонов (Диёржон Туропов, 46), Даврон Ҳошимов, Шуҳрат Муҳаммадиев, Шерзод Файзиев.
«Сўғдиёна»: Милан Митрович, Сардор Қулматов, Искандар Шойқулов, Элёр Орифов, Аюбхон Номанов (Шахбоз Жўрабеков, 79), Жамшид Болтабоев, Шоҳруз Норхонов (Баҳодир Насимов, 79), Жасур Ҳасанов (Иван Нагаев, 86), Санъат Шихов (Санжар Рашидов, 70), Эливелто Рибейро (Қаҳрамонов, 86), Марко Колакович.
Огоғлантиришлар: Қулматов (3), Ғанихонов (21), Болтабоев (32), Норхонов (36), Элливилто (62), Туропов (77),
Четлатиш: Дамянович (90+5)
«Навбаҳор» – «Бухоро» 2:0
Голлар: 1:0 – 6 Соловёв, 2:0 – 88 Турғунбоев.«Навбаҳор»: 1.Ўткир Юсупов, 5.Ғиёс Комилов, 7.Азим Аҳмедов, 9.Иван Соловёв (Шоҳруҳ Маҳмуджонов, 65), 11.Исломбек Исоқжонов (Азизбек Турғунбоев, 46), 19.Мирзоҳид Ғофуров, 22.Игор Голбан, 27.Ислом Рашидхонов, 33.Тоҳиржон Шамситдинов, 70.Аббос Ғуломов (Руслан Болов, 55), 95.Забиҳилло Ўринбоев (Жавлон Иброҳимов, 70).
«Бухоро»: 25.Шоҳжаҳон Насимов, 4.Миржалол Жумаев, 5.Бобуржон Аманов, 9.Жасур Ҳакимов, 16.Жасур Ҳасанов, 23.Беҳруз Шодмонов, 26.Аброр Хусинов (Суҳроб Нематов, 69), 28.Эргаш Исмоилов, 40.Азизбек Амонов (Зоҳир Пиримов, 69), 60.Бобур Фарҳодов, 77.Иззат Абдуллаев (Беҳруз Садиллоев, 78).
Огоҳлантиришлар: Шамситдинов (18), Хусинов (20), Соловёв (28), Турғунбоев (46).
Изоҳ (0)