«Манчестер Юнайтед» Англия Премьер Лигасининг 30-тури доирасида меҳмонда «Тоттенҳэм» дарвозасини ишғол этди. Учрашув Лондондаги «Тоттенҳэм» стадионида бўлиб ўтди ва 1:1 ҳисобида якунланди. Дастлаб мезбонлар 28-дақиқада Стевен Бергвейннинг голи эвазига олдинга чиқиб олишди, аммо ўйин тугаши арафасида Бруно Фернандеш пенальтини аниқ амалга ошириб, жамоасини мағлубиятдан сақлаб қолди.
Шу тариқа «Манчестер Юнайтед» Премьер Лига ўйинлари ўтказилган барча (59) стадионларда гол киритишга эришди. Илгари ушбу натижани «Ливерпуль» қайд этганди, деб хабар берди Gracenote Live.
«Манчестер Юнайтед» 46 очко тўплаган ҳолда Премьер Лиганинг 5-поғонасида жойлашган бўлса, Лондон клуби 42 очкоси билан 8-ўринда бормоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)