Футбол бўйича Англия Премьер Лигасининг 30-турида «Арсенал» 20 июнь, шанба куни «Брайтон» майдонига сафар қилди.
Учрашувнинг 68-дақиқасида Николя Пепе лондонликларни олдинга олиб чиққан бўлса, 75-дақиқада Льюис Данк мувозанатни тиклади. Ҳакам томонидан қўшиб берилган вақт тугаши арафасида Нил Мопе мезбонларга ғалаба келтирган гол муаллифига айланди.
Шу тариқа Микель Артета шогирдлари яна очко йўқотди ва 40 очко билан 9-ўринда бормоқда.
Яна бир ўйин «Уотфорд» ва «Лестер» жамоалари ўртасида кечди. Учрашувда ҳисоб сўнгги дақиқага келиб очилди, Бен Чиллуэл 90-дақиқада «тулкилар»ни олдинга олиб чиқди. Бироқ майдон эгалари бунга 93-дақиқада Крейг Доусоннинг голи билан жавоб қайтарди.
«Лестер» 54 очко билан 3-ўринга жойлашган, «Уотфорд» (28) эса 16-поғонада бормоқда.
АПЛ
30-тур баҳслари
20 июнь, шанба
«Уотфорд» — «Лестер» 1:1
Голлар: 0:1 – 90 Чилуэлл, 1:1 – 90+3 Доусон.«Уотфорд»: Фостер, Кабаселе, Фемения (Мариаппа, 77), Доусон, Мазина (Ҳолебас, 88), Дукуре (Клеверли, 77), Капу (Чалоба, 77), Перейра (Уэлбек, 69), Хьюз, Сарр, Дини.
«Лестер»: Шмейҳел, Сўюнчу, Чилуэлл, Эванс, Жастин, Ндиди, Мэддисон, Олбрайтон (Иҳеаначо, 83), Барнс (Грэй, 65), Тилеманс (Чоудури, 76), Варди.
Огоҳлантириш: Тилеманс (40).
«Брайтон» — «Арсенал» 2:1
Голлар: 0:1 – 68 Пепе, 1:1 – 75 Данк, 2:1 – 90+5 Мопе.«Брайтон»: Райан, Данк, Уэбстер, Берн, Скелотто (Монтойя, 71), Муй (Марч, 46), Проппер, Gross (Коннолли, 71), Биссума (Мак Аллистер, 90), Троссард (Стивенс, 87), Мопе.
«Арсенал»: Лено (Мартинес, 40), Бельерин, Колашинац, Мустафи, Ҳолдинг, Гендузи, Себальос (Уиллок, 88), Пепе (Нелсон, 87), Ляказетт (Нкетиа, 78), Обамеянг, Сака (Тирни, 87).
Огоҳлантиришлар: Берн (30), Муй (44), Ляказетт (54).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)