Футбол бўйича Жанубий Корея чемпионатининг 8-туридан ўрин олган 20 июнь, шанба кунги баҳслар ўз ниҳоясига етди.
«Сеул» жамоаси ўз уйида «Улсан Ҳёндай»ни қабул қилди. Учрашувнинг 62-дақиқасида сеулликлар Чу Се Жоннинг четлатилишидан кейин бир киши кам бўлиб қолди. Натижада меҳмонлар сондаги устунликдан унумли фойдаланган ҳолда иккита тўп киритишга эришди. Бьорн Маарс Йонсен ва Жуниор Негаонинг голлари ўйин масаласини ҳал қилди.
Учрашувда ўзбекистонлик ярим ҳимоячи Икром Алибоев 87 дақиқа ҳаракат қилди. Шу тариқа «Сеул» лигадаги кетма-кет бешинчи мағлубиятини қабул қилиб олди.
Параллел кечган баҳсда «Соннам» жамоаси «Санжу Санму»ни меҳмон қилди. Мазкур ўйинда «армиячилар» иккинчи бўлимга қўшиб берилган вақтда пенальтидан гол урган ҳолда ғалабани илиб кетди.
«Соннам» вакили Жамшид Искандаров ўйинда тўлиқ ҳаракат қилди. Жамоанинг мағлубиятли серияси тўрт ўйинга етди.
«Соннам» 8 очко билан 9-ўринда бораётган бўлса, 6 очкога эга «Сеул» 10-поғонани банд этган.
Кей-Лига
8-тур баҳслари
20 июнь, шанба
«Сеул» — «Улсан Ҳёндай» 0:2
Голлар: 0:1 – 66 Йонсен, 0:2 – 90+1 Негао.«Соннам» — «Санжу Санму» 0:1
Гол: 0:1 – 90+1, пенальти Мун Чан Жин.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)