Тошкент шаҳар ИИББ Яшнобод тумани ИИБ бошлиғининг суратларига ниқоб чизиб қўйгани ҳақида аввалроқ хабар берилганди. «Gazeta.uz»нинг ёзишича, Тошкент шаҳар ИИББ салбий изоҳларнинг олдини олиш мақсадида баъзи суратлардаги ниқоблар чизиб қўйилганини тасдиқлади ва буни хато сифатида тан олди.
Мавзуга доир: Тошкент шаҳар ИИББ Яшнобод тумани ИИБ бошлиғининг суратларига ниқоб чизиб қўйди. Бу иш биринчи марта қилиниши эмас
Қайд этилишича, суратларнинг эълон қилинишидан мақсад мурожаат қилинган вақтда ички ишлар идоралари ходимлари «куч ва имконият даражасида» ёрдам бериши ҳақида аҳолини хабардор қилишдан иборат эди.
«Ёрдам одам кейинчалик афсусланиши мумкин бўлган ‘кераксиз ҳаракатлар’ профилактикасининг бир қисми ҳисобланади. Масалан, пробация хизмати ходимлари доимий равишда уларнинг ҳисобида турадиган шахсларнинг вазиятига қизиқади, профилактика инспектори эса аввал судланганларнинг барчасига. Ёрдам беришга ҳаракат қилинмоқда. Жойларда бўш иш ўринлари ярмаркалари ташкил қилинмоқда. Хизматлар раҳбарлари аҳоли билан учрашувлар ўтказмоқда, карантинда ишини йўқотганларга ишга жойлашишга ёрдам бермоқда. Масалан, ишини йўқотган официант аёл ёки қиз компьютерда ишлашни билса, хусусий уй-жой ширкатига ишга жойлашиши мумкин. Чиқиш йўли изланмоқда, одамларни қўллаб-қувватлашга, уларга нима биландир ёрдам беришга ҳаракат қилинмоқда» , — дейилади ИИББ хабарида.
Изоҳ (0)