Toshkent shahar IIBB Yashnobod tumani IIB boshlig‘ining suratlariga niqob chizib qo‘ygani haqida avvalroq xabar berilgandi. “Gazeta.uz”ning yozishicha, Toshkent shahar IIBB salbiy izohlarning oldini olish maqsadida ba’zi suratlardagi niqoblar chizib qo‘yilganini tasdiqladi va buni xato sifatida tan oldi.
Mavzuga doir: Toshkent shahar IIBB Yashnobod tumani IIB boshlig‘ining suratlariga niqob chizib qo‘ydi. Bu ish birinchi marta qilinishi emas
Qayd etilishicha, suratlarning e’lon qilinishidan maqsad murojaat qilingan vaqtda ichki ishlar idoralari xodimlari “kuch va imkoniyat darajasida” yordam berishi haqida aholini xabardor qilishdan iborat edi.
“Yordam odam keyinchalik afsuslanishi mumkin bo‘lgan ‘keraksiz harakatlar’ profilaktikasining bir qismi hisoblanadi. Masalan, probatsiya xizmati xodimlari doimiy ravishda ularning hisobida turadigan shaxslarning vaziyatiga qiziqadi, profilaktika inspektori esa avval sudlanganlarning barchasiga. Yordam berishga harakat qilinmoqda. Joylarda bo‘sh ish o‘rinlari yarmarkalari tashkil qilinmoqda. Xizmatlar rahbarlari aholi bilan uchrashuvlar o‘tkazmoqda, karantinda ishini yo‘qotganlarga ishga joylashishga yordam bermoqda. Masalan, ishini yo‘qotgan ofitsiant ayol yoki qiz kompyuterda ishlashni bilsa, xususiy uy-joy shirkatiga ishga joylashishi mumkin. Chiqish yo‘li izlanmoqda, odamlarni qo‘llab-quvvatlashga, ularga nima bilandir yordam berishga harakat qilinmoqda” , — deyiladi IIBB xabarida.
Izoh (0)