Ўзбекистон Президенти Шавкат Мирзиёев Қозоғистоннинг Биринчи Президенти – Нурсултон Назарбоевга мактуб йўллади. Бу ҳақда Президент матбуот хизмати хабар қилган.
Қозоғистон Республикаси Биринчи Президенти – Элбоши Нурсултон Назарбоев Жаноби ОлийларигаАввал Қозоғистоннинг биринчи президенти Нурсултон Назарбоевда коронавирус аниқлангани хабар қилинганди. Ҳозирда Қозоғистон Хавфсизлик кенгаши раҳбари масофадан туриб ишлашда давом этмоқда.Муҳтарам Нурсултон Абишевич!
Сизнинг коронавирус касаллигига чалинганингиз тўғрисидаги хабарни чуқур безовталик ва катта хавотир билан қабул қилдим.
Ҳаётингиздаги ушбу синовли ва мураккаб пайтларда биз учун ҳамиша чексиз эҳтиромга сазовор бўлиб келган Сиз, азиз оғамни ҳар томонлама қўллаб-қувватлашга тайёрлигимни ва яқин кўмакдош эканлигимни яна бир бор чин қалбдан маълум этмоқчиман.
Ҳеч шубҳасиз, қисқа фурсатларда мазкур вирусни муваффақиятли енгиб ўтиб, шифо топишингизга ва тузалиб кетишингизга ишончим комилдир.
Қадрли Нурсултон Абишевич, Сизга, Қодир Аллоҳдан мустаҳкам сиҳат-саломатлик, куч-қувват, узоқ умр ва янги зафарлар ато қилишини сўраб қоламан.
Тез орада Сиз билан дийдор кўришиш бахтига муяссарлик насиб этишига умид қиламан.
Ҳурмат билан, Ўзбекистон Республикаси Президенти Шавкат Мирзиёев
Эслатиб ўтамиз, бунга қадар Бельгия шаҳзодасида, Гондурас президенти ва унинг рафиқасида, Украина президенти Владимир Зеленскийнинг рафиқасида, Испания бош вазирининг рафиқасида, АҚШдаги республикачи конгрессменда, Бразилия Сенати раисида, Монако князида, Исроил соғлиқни сақлаш вазирида, Россия президенти билан кўришган шифокорда, Россия бош вазири ва президент матбуот котибида, шунингдек, Арманистон бош вазири ва Чеченистон раҳбарида ҳам коронавирус аниқланган эди.
Изоҳ (0)