Ўзбекистонда 18 июнь соат 23:00 ҳолатига кўра яна 37 киши коронавирус юқтириб олди ва касалланганларнинг умумий сони 5767 нафарга етди. Бу ҳақда Соғлиқни сақлаш вазирлиги хабар қилди.
Янги касалланиш ҳолатларининг 2 таси карантин марказидаги фуқаролар орасида, 32 таси Тошкент вилоятида (шундан 18 нафари карантинга олинганлар, 14 нафари аҳоли орасида), 3 таси эса Тошкент шаҳрида аҳоли орасида аниқланган.
Аввал 18 июнь соат 10:00 ҳолатига кўра 9 кишида, кейинроқ соат 17:00 ҳолатига кўра 33 кишида коронавирус аниқланган ва касалланганларнинг умумий сони 5730 нафарга етганди.
Шунингдек, 18 июнда кун давомида жами 68 нафар бемор касалликдан тузалган, Ўзбекистон бўйлаб коронавирус инфекциясидан соғайганлар сони 4199 нафарни (72 фоиз) ташкил этмоқда. Тошкент шаҳрида коронавирус инфекциясидан соғайганлар сони 2130 нафарга етган. Республика миқёсида 1549 нафар фуқаро стационар шароитда даволанишни давом эттирмоқда.
COVID-19 коронавируси Ўзбекистон ҳудудига кириб келганидан буён жами 19 нафар бемор мазкур инфекция асоратлари оқибатида ҳаётдан кўз юмган.
17 июнда Ўзбекистон шифохоналаридаги коронавирусга чалинган беморлар сони биринчи марта 1500 нафардан ошиб кетган.
Изоҳ (0)