O‘zbekiston Prezidenti Shavkat Mirziyoyev Qozog‘istonning Birinchi Prezidenti – Nursulton Nazarboyevga maktub yo‘lladi. Bu haqda Prezident matbuot xizmati xabar qilgan.
Qozog‘iston Respublikasi Birinchi Prezidenti – Elboshi Nursulton Nazarboyev Janobi OliylarigaAvval Qozog‘istonning birinchi prezidenti Nursulton Nazarboyevda koronavirus aniqlangani xabar qilingandi. Hozirda Qozog‘iston Xavfsizlik kengashi rahbari masofadan turib ishlashda davom etmoqda.Muhtaram Nursulton Abishevich!
Sizning koronavirus kasalligiga chalinganingiz to‘g‘risidagi xabarni chuqur bezovtalik va katta xavotir bilan qabul qildim.
Hayotingizdagi ushbu sinovli va murakkab paytlarda biz uchun hamisha cheksiz ehtiromga sazovor bo‘lib kelgan Siz, aziz og‘amni har tomonlama qo‘llab-quvvatlashga tayyorligimni va yaqin ko‘makdosh ekanligimni yana bir bor chin qalbdan ma’lum etmoqchiman.
Hech shubhasiz, qisqa fursatlarda mazkur virusni muvaffaqiyatli yengib o‘tib, shifo topishingizga va tuzalib ketishingizga ishonchim komildir.
Qadrli Nursulton Abishevich, Sizga, Qodir Allohdan mustahkam sihat-salomatlik, kuch-quvvat, uzoq umr va yangi zafarlar ato qilishini so‘rab qolaman.
Tez orada Siz bilan diydor ko‘rishish baxtiga muyassarlik nasib etishiga umid qilaman.
Hurmat bilan, O‘zbekiston Respublikasi Prezidenti Shavkat Mirziyoyev
Eslatib o‘tamiz, bunga qadar Belgiya shahzodasida, Gonduras prezidenti va uning rafiqasida, Ukraina prezidenti Vladimir Zelenskiyning rafiqasida, Ispaniya bosh vazirining rafiqasida, AQShdagi respublikachi kongressmenda, Braziliya Senati raisida, Monako knyazida, Isroil sog‘liqni saqlash vazirida, Rossiya prezidenti bilan ko‘rishgan shifokorda, Rossiya bosh vaziri va prezident matbuot kotibida, shuningdek, Armaniston bosh vaziri va Checheniston rahbarida ham koronavirus aniqlangan edi.
Izoh (0)