Пул ва машҳурлик инсонни ўзгартиради. Қуйидаги актрисалар ҳаётига назар ташлаб, бу ибора қанчалик тўғри эканлигига амин бўлиш мумкин.
Дипика Падуконе
Актриса ҳамда модель Ниҳар Пандя ўртасида узоқ вақтлар жиддий муносабатлар бўлган. Мумбайдаги актёрлик мактабида учрашган жуфтлик ҳатто биргаликда Химеша Решаммининг клипида суратга ҳам тушган. Фильмларда суратга тушиш учун таклиф кўпайганидан кейин эса Дипика «эски» севгилисини ташлаб, Ранбир Капур билан учрашишни бошлаган. Кейинчалик Дипика ҳамкасби Ранвир Синх билан, Ниҳар эса хонанда Нити Моҳан билан турмуш қурган.
Приянка Чопра
Приянка Чопра 2000 йилда «Дунё гўзали» деб топилгунига қадар актёр Асим Мерчант билан учрашган. Мерчант айрилганларидан кейин бир неча йил ўтган бўлса-да, Приянканинг ҳаёти ҳақида фильм суратга олиш истаги борлигини билдирган. Бундан аччиқланган Приянка собиқ севгилисини судга ҳам бермоқчи бўлган. Актриса ҳозирда америкалик хонанда Ник Жонаснинг рафиқаси, Асим бўлса шу вақтга қадар уйланиб ажрашишга ҳам улгурган.
Анушка Шарма
Анушка Шарма ва Зохеб Юсуф моделлик карьерасини бошлашдан аввал учрашишни бошлаган. Бангалорда бошланган муносабатлар Мумбайда ҳам давом этган. Анушка «Тангри яратган жуфтлик» фильмида суратга тушиб, машҳурлкка эриша бошлаган, Зохебнинг эса бу борада омади чопмаган ва Бангалорга қайтиб кетган. Анушка кейинчалик Вират Коҳли билан турмуш қурган.
Айшвария Рай
Бугунги кунда Баччанлар оиласининг келини сифатида маълум бўлган Айшвария карьерасининг бошида бир қанча актёрлар билан учрашган. Ҳали машҳур бўлиб улгурмаган вақтлари модель Раджив Мулчандани билан, кино оламига қадам қўйиб эса актёр Салмон Хон билан муносабатда бўлган.
Жаклин Фернандес
Жаклин ҳам севги борасида танлови ўзгариб турадиганлардан. Болливудга қадам қўйишидан аввал Баҳрайн шаҳзодаси Ҳасан Бин Рашид ал-Ҳалифа билан севишган актриса кейинчалик режиссёр Сажид Хон, кейин эса бир қанча йигитлар билан учрашган. Улар орасида актёр Салмон Хон ҳам бор.
Алия Бхатт
Актриса «Йил талабаси» фильмида дебют роль ижро қилиб, машҳурликка эришгунига қадар Али Дадар билан учрашган. Мактаб вақтлари бошланиб, узоқ йиллар давом этган севги ҳикоясининг тугашига Алиянинг суратга олиш жараёнида Сиддхарт Малҳотра билан муносабат бошлагани сабаб бўлган. Актриса ҳозир Ранбир Капур билан бирга, лекин жуфтлик ажрашиш арафасида деган миш-мишлар тарқалган.
Изоҳ (0)