Актриса Шаҳзода Матчонова Instagram саҳифасидаги Stories орқали мухлисларини қизиқтирган саволларга жавоб берди. Саволлар орасида актрисанинг шахсий ҳаёти ҳақидагилари ҳам бўлди.
Мухлислар билан савол-жавоб бўлган-бўлмаган тарзда ўтказилди. Яъни Шаҳзода фолловерларининг саволларига бўлган ёки бўлмаган дея жавоб қайтарди.
Мухлислардан бири унга «Ажрашганмисиз?» деб савол берганида у «бўлган» дея жавоб берди.
Шунингдек, актриса меҳрибонлик уйидан бола асраб олиш истаги ҳам бўлгани ҳақида ёзди.
Актрисага «Ёшлигингизда битлаганмисиз?» деган савол ҳам берилди. «Бўлган, у кунларни яхши эслайман», — деб жавоб берди актриса.
Шунингдек, ушбу савол-жавоблардан унга турмуш ўртоғи ҳеч қачон қўл кўтармаслиги ҳам ойдинлашди.
Шаҳзода Матчонова америкалик кино юлдузларидан Николь Кидман билан учрашишга муваффақ бўлган.
У бошқа ҳамкасбларига ҳасад қилмайди.
«Ҳасад қилиш фақат ўз ҳаётидан қониқиш ҳис этмайдиган, ҳаётдан хафа, ўзига нисбатан ишончи паст бўлган инсонларнинг иши», — деб ҳисоблайди актриса.
Актриса талабалик пайтида жамоат транспортида юргани, бир марта қўлидан сумкасини ўғирлаб кетишгани ҳақида ҳам сўзлаб берди.
Актрисанинг айтишича, ҳеч қачон ёмонликка ёмонлик билан жавоб қайтармаслик керак. Кимгадир озор берган инсонлар қилмишига яраша жазони, албатта, олади.
Изоҳ (0)